عجباً
تسأل عن القريب و الغريب و العجيب محدش يسأل فيك احنا فى زمن عجيب و تدى زهرة للى عمره ما مسك زهرة ازاى هيحس بيك و تتمنى وصاله حتى لو من بعيد .
دايما بتدور على اللى بايعك و بتشحت سؤاله ، يشاغلك و هو بيك ضنين و فى الاخر يسيبك و تنسى اللى شايلك فى قلبه و بيسأل عنك ليل ويا نهار ليه دايما مش شايفه ليه دايما ناسيه ليه دايما مش سامعه آه ه ه ..... لو بصيت قدامك .
الانانيه هى ثقتك و استمتاعك انك هتفضل تاخد ولا تتديش
لكن خاف
اصل الدنيا مالهاش كبير الكل فيها صغير و الرحمه !! احنا مبنعرفش نرحم نفسنا عشان نرحم بعض .
غريب و هتفضل غريب يا قلب طول عمرك مالكش نصيب و الشوق ميعرفوش الا اللى حب مش الكافر بيه ، الواحد مننا ميعرفش صديق احن عليه غير نفسه بعد ربه هو العالم بيه .
الحرمان دا هو شعورك باستمتاع غيرك باللى مش عندك و تسأل نفسك ساعاتها : يا سلام هى قد كدا حلوه ؟!!! لكنه مش حسد دا بس تسأول بينك و بين نفسك و تحاول تعيشها فى خيالك لانك صديق نفسك اللى حاسه بعذاب حرمانك .
ليست هناك تعليقات:
إرسال تعليق