قلبك المفتون
هو قلبك دق ليا فعلاً ولا عشان كنت محتاج تحس و تسمع و تشوف لوعة المحبين ازاى !!
يعنى انت محبتش حبى ليك ؟؟ يعنى محبتنيش عشان حاسس بصدق حبى ؟!
ماهو معتقدش انك ممكن تفكر كدا لكن فى نفس الوقت بحس ساعات انى مش غرامك و بحسك ساعات بتنكر علينا حبنا ..
يا مجنون انت فيك كل شئ و عكسه فيك العقل ويا الجنون فيك الحكمه ويا الشقاوة فيك الهدوء ويا العفرته
ساعات احسك حابس قلبك ورا قضبان خايف عليه و مش مآمن ليه و ساعات احسك تفتح له المحبس و تسيبه يهرب انت اللى عاوزه يهرب ويجيى لاحضانى لاحضان قلبى العاشق عشان يتمتع بحلاوة الغرام معايا ، لكن الاقيك بعدها بتسحبه تانى ورا القضبان و راميه فى ظلمات اعماقك حتى لا يُسمع صراخه و ترفض حتى زيارتى له وراء القضبان ... الاقيك بتنكر عليه حقوقه المشروعه فى الحب و الهوى فى الوقت اللى الاقيك بتواسى قلبك على قسوتك عليه ....
انت ايه يا مجنون ارحم قلبك المفتون سيبه يعيش ويايا و يتهنا معايا دا احنا الاتنين
اخترنا بعض .. و دا مين اللى بيحب بحساب دا الغرام مش بالكيف ، حكم قلبك عليك بغرامى و انت مجبور تنفذ حكمه هو دا عدل هوى العاشقين براءة القلبين باطلاق سراحهم ........
بحبك يا مجنون
تصوير خرافي للأنثي العاشقه سطورها تفضح أحاسيسها وحروفها بتحاول تداوى جروحها , عندما يسرح القارئ ويتوه بين الحروف ويقف أحيانا عند كلمة او معنى يبقي ده له الف مليون معنى أنه الكلمات معبرة , قويه وجميلة ورومانسيه راقيه .. فى انتظار المزيد
ردحذفاشكرك و بصراحه مكنتش متخيله انها هتعجب القارئ
ردحذفكلها احساس يا ملكة الاحساس .. رغم ان فيها كلمات بتخرج الواحد من مود (العفرته ) مثلا هههههههه
ردحذفتسلمى يا دودو يا حبيبتى ربنا يخليكى و العفرته حلوه و الله ههههه عشان ميبقاش فى ملل فى الحياه ، كمان لازم اصحصح اللى بيقرأ لاينام منى ههههههه
حذف١١ سنة عمر تاني
ردحذف