وحشة الطريق
الطريق فاضى مفيش فيه حد .. دى الوحده..
و صحيح الدنيا تلاهى و محدش فاضى لحد
انت لوحدك.. خد بالك هى دى الحقيقه الوحيده اللى قدامك اتعود عليها بقا .
بتعافر ليه ماهو مفيش فايده خلقنا نحن البشر مختلفين ... اوقات تحس و ايه الفايده مامنوش لازمه اى حاجه فى اى حاجه حتى الكتابه ايه الفايدة منها المفروض تتوقف مش بتريح ولا حاجه دى بتفضح و مامنهاش رجاء او اى متعه .
بقينا فى زمن مقلوب ...زمن مضروب ... زمن كذاب ......... اللى بيتعب فى الزمن داهو اللى كان موهوم ان الحياة حلوه و تتقضى بأى طريقه طالما مرتاحين مع بعض ، و لاننا مابقناش طايقين بعض ولا طايقين نفسنا اتغير مننا كتير و فى مننا اللى معرفش يتغير وقف بيه عقله عن تطويعه لأستيعاب التغيير و التوافق معه ... جايز لان مبادئنا راسخه جوانا او لاننا هُبل ما نعرفش القدرة على التلون و التنقل بسرعه ... بشوف غيرى فى انانيتهم مرتاحين و انا اللى تعبانه منها ، الظاهر انى لازم اتعلم شويه ابقا انانيه و ادور على اللى يريحنى لأنى تعبت بقا كفايه بقا تعبت من الناس كلها و من نفسى
ليست هناك تعليقات:
إرسال تعليق