جربت تحب؟!
طب جربت تعشق اصل الحب دا يا ابني معني الحياه و يا سعده اللي يلقاه تلاقيه في الهوا يعني اكيد بتتنفسهما انتش عارف طاير في السما ولا ماشي علي الارض من غير ما تلمسها كأن الهوا شايلك علي كفوفه بيجري بيك لونيسك
عارف ليه ونيسك !
لانك استغنيت بيه عن الناس لما حسيته اقربهم شبهاً لقلبك
تلاقي نفسك مشدود له مش فاهم ليه
لاهاك عن اللي حواليك و شغلك حتي بأموره العاديه دي الحكايه باينها واقعه مش لقيه
مالك مش عارف تظبط حالك ليه؟
مالك اتلخبط فيك ايه ؟
هو انت كنت عايش قبلها ولا دلوقتي انت اللي عايش !!
ايه اللهفه اللي فاضحاك دي !!
فينك يا شديد !! خبت يا بعيد !!
لاء دا انت حبيت يا عبيط
اقترح لها عنوانا بديلا : العبيط والحب ... اسلوب العامية الساخرة دايما غني بالتعبيرات البسيطة المتدوالة ويلاقي إقبال كبير من القراء لأنه اقرب اليهم بعيدا عن تعقيدات الفصحي , مما يميز هذه السطور التى تبدو مثل الوجبة الشعبية الخفيفة تحسي بيها مافيهاش لحمة ولا طيور لكن تفتح النفس بالمشهيات مثل افلفل الحراق والباتنجان ابو الخل والتوم .تسلم ايدك
ردحذفاشكرك على رأيك و مدحك لهذا الاسلوب اللى اول مره اجربه بصراحه اما عن كلمة عبيط انا كتبتها كتريقه و تكم عليه انه لسه بعد دا كله مش عارف انه وقع فى الحب و جات رجله خلاص ههههه
حذف