شخبطه ٢

- هناك من لا يعرف فى الانتماء شئ سوى الكلمه فقط طالما ان اعداء الامس اصبحوا رفقاء لهم فى اعداء اليوم طالما انه توافق هواه !!!!!
- هل الغرور و الكبر يصل بصاحبه الى الهاويه ؟ ام هو فرط الاحسان هو من يجعله متعالى و يسب و يلعن من يشاء؟!!!!! ، ام هو وضع بمكانه لا يستحقها و غير حقيقته ؟!!!
- كيف بمن يؤدى الفرائض و السنن و التطوع بالدعاء على من ظلم بأفظع الاشياء ؟!!!!!
-الكبر آفه تسقط صاحبها فى اعين من حوله حتى و ان كان مؤمن .
- داخل موجة بحر الحياه انت لا تعرف ماذا سيحدث فى اللحظه التاليه فطبيعة الموج انها تكون عاتيه قويه تقلب رأس على عقب .
- داخل كل منا اساليب مختلفه فى بعض تعاملاته او تقمصات لأدوار مختلفه فى كل ظرف .
- الطفل الأول يحظى بأهتمام شديد من الابوين قد يصل الى مرتبة (الهبل) [عشان كدا الطفل الأول بيطلع اهبل حبتين] و الطفل التانى الابوين بيكونوا اخدوا عبره من اللى هبببوه مع الاول فبيبقوا هادئين و الطفل الاخير بيكون دائماً انانى لانه اخد على ان الكل يرعاه و يعطيه بدون مقابل و يتقن اللامبالاه بالاخرين لانه نشأ على انه وحده المهم .
- كلما زادت التكنولوجيا حول الانسان كلما زادت عزلته عمن حوله و زادت عصبيته #حقيقه_لا_يمكن_انكارها
- الدنيا دى شقلباظ .... باظ ؛) ،الدنيا دى زى الفل طول ما انت تايه فيها زى الكل ، هنصور ... سكوت ... كلاكيت .. اكشن : دوسى يا دنيا علينا ؛(
- السكك دايماً بتبقى كتير بس انت مبتشوفش غير السكه اللى توافق هواك مع ان كلها بتؤدى الى "روما" ؛)
- ستخوض طريقها وحدها و ما عادت تريد منك حتى تشجيعك فقد اكتفت من اغترابك عنها .
- مقدار استيعابنا لأى امر يأتى من خلفيتنا التربويه و مقدارنا عند الغير سواء بالايجاب او بالسلب و امكانية ان نظرتنا للامور تكون ايجابيه او سلبيه و لذلك وجهات نظرنا بتختلف تبعاً لنشأتنا و حياتنا الخاصه و لذلك تكون هناك العُقد و الاخطاء تبعاً لمنظور كل شخص لها .

- فُجر الكاذب فى كون كذبه مفضوح و لكن يتبع مبدأ " ايوه انا بكدب و هو دا اللى عندى " .
- بتفرح بأبسط سؤال ؟ خايف تتنسي ؟ و محدش يسأل عليك ؟! ... ميهمكش كتر السؤال الاهم مين دا اللى بيسأل بقلبه عليك !